جمعیۃ علماء ہند (قائم کردہ: نومبر 1919) ملک کی سب سے قدیم اور عظیم ملی تنظیم ہے، جس نے جنگِ آزادی میں قائدانہ کردار ادا کرنے کے بعد ہمیشہ مسلمانوں کی بقا، تحفظ اور باوقار زندگی کے لیے جدوجہد کی ہے۔ صوبہ مہاراشٹر میں یہ کارواں حضرت مولانا حافظ محمد ندیم صدیقی صاحب (صدر جمعیۃ علماء مہاراشٹر) کی سرپرستی میں نہایت سرگرمی سے خدمات انجام دے رہا ہے۔ جمعیۃ علماء مہاراشٹر فرقہ وارانہ فسادات اور سیلاب و زلزلے جیسی قدرتی آفات کے متاثرین کی بلا تفریقِ مذہب امداد و بازآباد کاری، مدارس و مساجد کا تحفظ، جیلوں میں بند بے قصور مسلم نوجوانوں کی قانونی پیروی، غریب و یتیم طلبہ کے لیے تعلیمی وظائف (اسکالرشپ) کی فراہمی، اور معاشرے میں امن و اخوت اور اصلاحِ اعمال کے لیے شب و روز کوشاں ہے۔

تفصیلات دیکھیں